Lourens van Vuuren, ‘n graad 8-leerder van Hoërskool Langenhoven in Riversdal, en puik skut het op 6 en 7 Oktober 2017 aan die SA Nasionale Kampioenskappe te Douglas deelgeneem.

Lourens het ‘n bronsmedalje in die O/14-ouderdomsgroep (10m dissipline) verwerf en is dus derde in die land in sy ouderdomsgroep. Met hierdie prestasie ontvang Lourens sy WP-kleure in skyfskiet. Lourens verwerf daarmee ook die skool se halfkleure en die hele skyfskietspan van 2017 balkies.

Anouska en Johanné het tydens die vyfde kompetisie van die jaar aan die nasionale posliga deelgeneem en elkeen ‘n medalje verwerf.

Die Dasse is baie trots op die leerders en afrigters! Julle Rock!


Op die foto verskyn die skyfskietspan van links:
Johanné van der Vyver, Cyrilene Coetzee, André Rossouw, Lourens van Vuuren, Anouska Fouché en Milla Steyn. Voor verskyn die skyfskietspan se afrigters Fiona en Herman Rall.

Herman is in 2017 as Wes-Kaap afrigter van die jaar aangewys.